Galeria de Fotos               Igrexa de Vitiriz (foto agosto 2005) San Vicenzo de Vitiriz É a última aldea do Camiño de Santiago ao seu paso polo Concello de Melide. Antropónimo de orixe xermánica, alberga unha das igrexas máis interesantes da comarca, tanto desde o punto de vista arquitectónico como esotérico, relacionada desde os seus inicios co culto a Rocamador. A planta do edificio, de fabricación gótica, é dunha soa nave, de ábsida rectangular. No testeiro da nave está colocado un rosetón de pedra, o único entre as igrexas da comarca, e no cumio da ábsida un Agnus Dei. Quizais o máis slaientábel do edificio sexa a a abundancia de canzorros no aleiro, todos eles moi ben labrados. No seu interior ten un arco triunfal apuntado, apoiado en pilastras. No retablo atópase unha imaxe da Virxe, que lembra formas do século XV, aínda que semella posterior.